新八模昨日到旺角宣傳寫真集，雖然在黃色暴雨警告下，但仍淋不熄對貿發局不批准o靚模在今年書展中舉行宣傳活動的怒火，八女齊心狂插！

新八模成員余曉彤（Hidy）對被禁大呻失望和不開心，她語帶不滿地說：「好唔公平，借刀殺人，唔明白點解覺得我哋低俗，冇人有資格去批評一個人係低俗定高尚，係咪喺貿發局掃地就高尚？」Hidy透露推出寫真是為迎合書展，尊重大會，更為其寫真集作辯解：「我唔覺自己本寫真太暴露，係好生活化，冇刻意性感，佢哋未睇就判斷，我覺得好奇怪同抓頭，比起以前嘅寫真集要露點，我哋嗰本只係相集。」

至於徐熙素（Hazel）認為整件事是陰謀，她直斥：「今次唔關出唔出書事，我哋留意到投訴我哋係一啲團體，可能有啲出版社銷量唔好，成件事好商業，係陰謀。」何佩瑜（Jeana）則不滿貿發局未睇書便下禁令，更寸爆說：「唔使佢哋畀錢買，我畀本佢哋睇。」

Mia斥心胸狹窄

另外，已為人母的陳靜儀（Mia）以家長的角度出發，她說：「我唔會教小朋友以低俗同高尚去評人，咁樣好膚淺，心胸同眼光都好狹窄。依家嘅小朋友好聰明，作為家長應該同佢哋一齊睇，如果隔絕反而唔健康，同埋令佢哋更反叛！（前男友錢景峰知唔知呢件事？）唔知，呢幾日冇聯絡。」