周秀娜（Chrissie）昨日在奧海城出席《Breast Concern Action關.乳.愛》展覽活動，對於貿發局不批准o靚模在書展舉行簽名會，她表示完全沒有感覺：「我本寫真仲排緊版，宣傳都未諗，多謝佢哋幫我宣傳。（受歧視？）我唔會對號入座，我唔可以代表所有人！（到時去巡吓？）冇諗過同冇需要搞到件事咁大，我覺得佢哋小題大做，純粹覺得佢哋虛偽！」她揶揄貿發局要看四千多篇有關o靚模的報道「好慘」：「好似我出席呢個活動，娛樂版會寫我自己檢查乳房，健康版都會覺得我正確，但文化版就會『咦』咁樣，虛偽囉！」