問：到依家呢個年紀有冇諗過生仔？

答：世界都就嚟末日啦！唔好搞，佗仔點打側手翻啊？

問：如果你可以單獨佔有偶像梁朝偉（圖右）六十分鐘，你會做啲咩？

答：得咁短咋……我諗淨係同佢面對面傾偈，深情對望一世就可以嘞！

問：如果世界只剩廿四小時，你又會做啲咩？

答：我成日驚死晒班Friend自己死唔去，我哋諗過一齊出嚟食啲好嘢，跟住圍圈手拖手等個浪冚埋嚟！我哋又諗過帶咩上「挪亞方舟」，一定唔可以悶，要有人識整嘢食，我自己就攞把口，話晒係娛樂組組長，係死剩把口o架咋！