徐淑敏（Suki）與丈夫黃浩（Kenny）昨晚假W.酒店筵開17席賀囡囡心瑤（Vianna）出生100天，馬賽、沈卓盈、鈴木仁及陳嘉容等均有到賀。由於不少親友早前送的BB衫未開封已不合身，Kenny呼籲賓客不要再送禮。

Kenny與Suki對囡囡心瑤疼錫有加，拍下不少得意生活照。

放大圖片

穿低胸裝的Suki大騷事業線，她透露現時重99磅，並直言會繼續生：「生夠四個都冇問題。（有信心添兔仔？）出年年尾啦！生幾次點都會有個（仔）啩？再唔係先去求生仔秘方，我諗30歲前可以收工！」

放大圖片	沈卓盈（右）與馬賽悉心打扮出席百日宴。

至於有女萬事足的Kenny自爆：「我就算錫Suki，對眼都射住個女，搞到老婆呷醋。」他花心思布置會場外，並帶同愛犬Daisy出席，又準備了樽上印有一家三口肖像的紅酒送給傳媒留念。

硬食乖女愛心拳

Kenny還大爆囡囡已十分緊張自己的財產：「我同BB講：『爸爸攞你啲錢去買嘢。』點知佢一拳打埋我隻眼度，笑到我同Suki死呀！（做咗爸爸收晒火？）我不嬲都好脾氣，之前有人撞到我架車，我都同佢講冇事。」