杜汶澤、王祖藍及羅凱珊（Kama）前晚出席新片《人間喜劇》首映，阿澤好友吳君如及太太田蕊妮專誠捧場。阿澤接受訪問時笑言片中有露股場面，更搞爛Gag表示其「Pat Pat」難與梁家輝比較：「佢係田雞股，好重肌肉，我嗰個係泡沫股，脹卜卜！」他表示拍攝該場口時，由於怕痛決定棄用膠紙，只以手部遮掩重要部位，問到單手能否遮掩整個重要部位？到場探班的阿田即搶答：「要兩隻（手）！」
而君如透露已請假三個月陪愛女，更指愛女很黐身，經常要度計擺脫她：「成日同佢講出去買啲嘢，然後乘機逃走。今晚嚟睇戲，我都唔敢講話出去買嘢，只係叫個女望吓嗰邊，然後即刻閃！」對於阿澤自嘲Pat Pat是「泡沫股」，君如即大笑：「佢係肉彈！魚蛋呀！」
