李蘊、E Cup Baby劉欣宜、HotCha及信和集團商場推廣總經理蘇蔡潔蓮，昨晚在奧海城主持足球開幕禮，對於書展嚴禁o靚模舉辦簽名會，E Cup Baby表示已收到有關當局的信件：「好無奈，大會咁急通知我哋冇得搞簽名會，係有點兒那個，對出版商同自己都有損失，但我唔擔心影響銷量，或者改去其他地方搞，要隨機應變！」

近日新八模成為風頭人物，不停備受抨擊。(資料圖片)

信和集團商場推廣總經理蘇蔡潔蓮（左起）、周柏豪及HotCha拿着足球，主持開幕禮。

「做藝人要檢點」

對新八模鬧大會「好低B」，E Cup Baby即暗寸：「我係文明人，思想同講嘢好成熟，藝人除咗衣着打扮個形象，言行都好緊要，做藝人要檢點啲！（新八模講嘢過分？）我唔評論，我係有教養嘅人，說話唔會咁粗鄙！（新八模冇教養？）我唔係咁講，我唔會用咁嘅字眼。」E Cup Baby表示未有上訴打算，她認為既有法令，就要尊重大會決定。」

HotCha避過封殺

而HotCha亦同樣在書展期間推出新書，但新書以文字點滴及生活照片為主，希望歌迷更深入了解她們，對於避過封殺令，她們說：「冇話好唔好彩，我哋唔係賣弄身材，亦唔覺大會有歧視成分，每個藝人參與書展嘅目的不同。」