陳奕迅（Eason）雖失落台灣金曲獎「最佳國語男歌手獎」，但心情未受影響，頒獎禮結束後，他立即返酒店更衣，然後拉隊食消夜，並於今日凌晨接受本報獨家訪問。
為了今次頒獎禮，Eason穿上由好友黃偉文悉心配搭的服裝，可惜最後空手而回，問到是否覺得很失望，他哈哈大笑說：「冇呀！陶喆好好呀！張惠妹得獎，見到佢開心，我都戥佢興奮。我喺台下睇足全場，亦有上台同那英頒獎，好開心！」
心情大靚的他續說：「頒獎禮期間，司儀落台叫我哋幾位男歌手獎候選人即場創作幾句歌詞，唱吓自己感受，咁啱我坐喺蕭敬騰張櫈上，所以我唱『坐在蕭敬騰的椅子上，讓我的屁股好爽！』，我竟然可以用普通話寫出押韻嘅詞，好開心，原來我都有填詞天分，可以嘗試喺填詞界發展！」他還會在台灣逗留工作幾天。