身為日牌忠實Fans的Wylie，每次到日本必定會購買日牌新裝，而她最愛到原宿購物，她笑言沒有任何心水品牌，只主攻設計獨特的款式：「我好搞笑，有時買完先知原來買咗某隻牌子，跟住就會諗：『唔怪得咁好襯啦！』其實原宿好多衫都好平，而且款式又唔易撞，連啲二手衫都好買得過！」

有預算唔怕使凸

Wylie又爆最豪一次曾花5萬港元置裝，不過「清醒」後卻大感後悔：「一次過買幾樣嘢，好大機會過一陣就唔興，咁樣好唔划算！所以應該分開幾次買，每次都買少少，咁就最好嘞！」甚懂慳錢及節制之道的Wylie，更有一套獨門慳錢秘方：「就係堅持唔用信用卡，因為碌卡好易使凸，所以由細到大都冇申請！（每次都帶大量現金？）係呀！咁樣有預算嘛！（唔麻煩？）唔煩！使凸咗找卡數嗰陣仲煩！」

掃完台灣再訪日

多次瘋狂掃貨之旅中，Wylie最難忘是有次到日本工作前，先按捺不住到台灣掃貨：「嗰次去完台灣、再去日本宣傳Online Game，雖然工作人員已經一再提醒我喺台灣見到日牌唔好買，話去到日本買會平啲，但我一見到啲衫就忍唔住，買完一件又一件，總之啱心水就買；之後去到日本，梗係忍唔住手又再狂掃一輪！諗番都覺得蠢。」

Profile

出生日期：11月18日

年　　齡：22歲

身　　高：172cm

三　　圍：33D、23.5、34

興　　趣：唱歌、寫作、睇書、跳舞、吃東西