跳舞組合HotCha日前獲萬成電器店邀請，到上海拍攝全新廣告，已是第四年代言的她們直言心情興奮：「我哋第一次出埠拍廣告，仲係去上海世博，真係好開心！」一行三十多人晨早九時已到達會場，但當日氣溫高達攝氏36度，拍攝半日後，三女相繼出現頭暈、脫水、面青及四肢乏力等中暑徵狀，為免影響拍攝進度，她們只輪流休息一會，面對鏡頭仍不失可愛活力！HotCha大讚廣告商安排體貼：「佢哋知我哋拍得辛苦，夜晚請我哋去食上海菜，真係好開心！雖然拍嗰陣真係好曬，仲要拍足12個鐘，但可以親身嚟感受世博氣氛，都值得啦！」

Regen在上海揼完骨後返港再做拔罐，希望消除疲勞。

Winkie熱到暈陀陀，望天打卦賜甘露！

否認與李卓庭斷背

三人昨日出席校園活動，提及剛於上海拍攝廣告，成員Regen指最近很累，有好多骨火，即被Crystal踢爆揼骨「出火」：「佢喺上海揼完骨，返到香港再做拔罐，跟住又揼骨！」

另外，對於與李卓庭的斷背緋聞，Winkie解釋大家只是好友，當日只是相約睇波，問到李卓庭被指曾搭上何韻詩，Winkie說：「何韻詩係佢偶像，大家女仔Close啲啫！」記者其後致電李卓庭，她指與Winkie只是好友：「可能因為我短頭髮同鍾意中性打扮，所以大家先有錯覺，我係鍾意男仔！」