對於陳志雲復出開咪，與老公張繼聰同樣被指是志雲愛將的謝安琪，透過經理人送祝福：「知佢有新發展都戥佢高興，祝佢發展得好。（上佢節目？）最緊要節目風格同內容適合。」至於鍾欣桐亦替志雲高興：「恭喜佢，好戥佢開心，希望新工作順順利利。」當日她將復工後首個訪問安排給志雲，若志雲邀她到電台受訪，她也會答應：「有機會梗係想做，但我要喺內地拍劇，10月先返香港。」
另外，因跌斷鎖骨而留家休養的陳敏之，對志雲亦十分支持：「我當然撐陳生啦！雖然我最近冇打電話畀佢，但都好開心聽到佢復工，無論陳生喺電台開咪定喺無綫復職，我都覺得冇所謂，最緊要佢開心！」而唐詩詠則雀躍地表示要聽其節目以示支持：「志雲當年開咪，用韋家晴個名做節目，一把熟識嘅聲陪住好多人成長，一班忠實聽眾一定好開心，而我當然想聽，佢個新節目好有意義！」