震驚全港的「威遠行動」發生至今超過100日，一直保持沉默的志雲昨日終首度開腔，在律師陪同下接受訪問。完成以色列「苦行」返港的他，自言此行得着很大，並透露下月起將陸續有很多工作，包括牧師音樂會及在商台開咪主持教育節目，昨日他更與四大唱片公司的代表午膳敍舊，希望藉自己與四大的關係作橋樑，協助無綫與四大修好尚未有進展的關係。
填作緊急聯絡人
重新面對傳媒，志雲覺得並無陰影，心情亦經過調節，他一再以當日在記者會上的金句來形容自己這100日的心情：「ICAC件事我用平常心面對，人生總會遇上變化，變化令大家莫名其妙，但都要好鎮定、好有信心，唔好慌、唔好亂。（覺得自己夠鎮定嘛？）我好感恩，父母畀我積極嘅生活態度，面對過雙親生死，我好多嘢都可以放開。」3月11日，志雲涉貪遭廉署拘捕，當日的感受，他雖永世難忘，但卻非一生最痛，因沒有其他傷痛比雙親離世令他更痛！
効力無綫16年的他，一直視老闆娘方逸華為最尊敬的前輩，又是工作上最好的上司，所以被拘留當日要填報一名緊急聯絡人時，他在舉目無親下揀選了方逸華：「父母都唔喺度，填朋友填邊位呢？我真係諗唔到，一瞬間我諗到唯一一位，就係方小姐！私下佢係我好尊敬嘅長輩，我覺得佢唔會介意我填佢個名。（情同母子？）唔敢咁諗，在公在私都係好尊敬嘅長輩，佢閱歷豐富，對佢我有一定了解。（心情有起伏？）主要係考慮人哋嘅感覺。（無親、無助覺得係衝擊、難受嘛？）上次去北極格陵蘭時，有一個位收唔到任何訊息，冇互聯網，嗰刻覺得冇親人牽掛都唔難受，但當你喺緊急關頭時要搵到嗰個人，我會考慮對方感受多於一切。」
感受恩情流男兒淚
出事前集萬千寵愛、高高在上的他，被捕後不覺得由天堂墮入地獄，只視之為人生閱歷一部分，更提醒自己朋友有兩種，一種是工作上的交往，另一種是投契的知己。所謂人在情在，再堅強的志雲，感受到朋友的情誼亦忍不住流下男兒淚，離開廉署當日，他取回電話卡後接到排山倒海的問候SMS，頓覺人間有情：「嗰一刻我當然有喊過，係感恩嘅眼淚，係朋友嘅支持。好多短訊我都盡量覆，喺街上好多人畀正能量我，喺商場見到婆婆搭電梯一上一落，佢捉住我隻手畀支持我，得到嘅愛濃厚過以前，情景就好似羅密歐與茱麗葉咁。」