古巨基（基仔）、官恩娜（Ella）及蕭正楠等昨日錄影《2010年青少年暑期活動開幕》，基仔緋聞女友兼助手Lorraine亦有出現，不過被傳大肚的她不斷迴避鏡頭！事後基仔代Lorraine解畫：「冇話避唔避，怕鏡頭係人之常情，佢好驚記者鏡頭！（叫佢出嚟澄清？）使乜！都冇咁嘅事，呢啲冇得呃！有攝記嘅地方佢係來去無蹤，我敏感望鏡頭，佢就係閃！」提到Lorraine面青口唇白易惹誤會，基仔笑說：「佢個妝化得太白啫！（好易畀人話『冇咗』喎？）唔關事，佢天生皮膚雪白啫！（咁你鍾唔鍾意？）見仁見智啦！」另外，對於o靚模被禁於書展搞簽名會，將於書展出書的Ella拒作評論：「我都申請緊喺書展搞簽名會，大會仲未覆！」