快將出嫁的曹敏莉（Mandy），第6年成為雪肌蘭代言人，昨日為新店擔任剪綵嘉賓，集團主席陳小寶及副主席陳細潔送上水晶擺設及結婚蛋糕。Mandy表示忙於設計及布置婚禮場地，至於婚禮日期及地點則大賣關子：「地點會係港島區某酒店，筵開十多席招待親友，好似有朱凱婷。（請前緋聞男友黃長興？）今日唔講呢個話題！」她透露婚後仍會工作，除非懷孕才會停工：「我未諗幾時生，順其自然啦！」
Mandy更大讚應屆候選港姐質素：「我睇過啲相，好靚吖！（有人煲煙隊酒攬仔喎？）可能係開派對玩吓啫！參選咗最緊要知自己做乜，每個人都有反叛期！（影響港姐形象？）我只可以代表我嗰屆咋喎！其他嘅嘢要由其他人做！」
