本屆世界盃活動密鑼緊鼓地舉行，Jelly Girls的Uny及Ruby昨晚穿上性感波衫現身，謀殺記者不少菲林，她們說：「我哋同Suyen仲有聯絡，佢邊有失蹤啫？當時佢同其他佳麗一齊，我哋仲約定咗，如果佢做咗港姐，我哋會一齊食飯慶祝添呀！」

Jelly Girls身穿性感波衫出席世界盃活動。

剛由日本返港的中巴表示，已成功減磅。

黃婉曼否認遭性騷擾

至於「好波之人」黃婉曼昨晚現身apm，與球迷欣賞葡萄牙對巴西的賽事。對於被指任職無綫新聞部期間不時受性騷擾，她說：「我覺得好愕然！當時同所有同事都好Friend，佢哋大部分都年過40兼且係女性，我又唔會着得好性感，所以冇呢啲事。」刻下任職雜誌社的黃婉曼坦言，短期內不會返回無綫新聞部工作：「如果係都幾戲劇性，但唔排除仲會幫TVB做嘢。（話你唔拍劇喎？）比較想向主持發展，主持啲知識型節目。」

阿倫和中巴欣賞世界盃賽事。

黃婉曼（左二）否認任職無綫期間遭性騷擾。

阿倫被禁往南非觀戰

另外，譚詠麟（阿倫）與「中巴」鄺敏慧等到有線欣賞世界盃，阿倫表示因家人禁止，故未能親赴南非「觀戰」，加上友人紛紛「甩底」，令手上13張入賽券白白浪費！阿倫坦言兒子比較喜歡欣賞NBA賽事，但身為嚴父的他，不欲對方太過「心想事成」，故不會為兒子撲飛。早前被指心廣體胖的「中巴」則表示，因當時剛由日本公幹返港，受不了當地美食引誘，加上水腫關係才被拍得臃腫照，現在已減肥成功。