無綫小花陳爽早前在慈善節目中不慎露乳暈，她直言以後會更小心：「當初知道自己走光都好嬲，激到個口生痱滋！不過過咗咁耐，心情好番啲，總之唔想重蹈覆轍！」她將為無綫收費台拍攝一個教小朋友講普通話的特輯，她直言擔心難與小朋友相處：「國語係我母語，所以好有信心，反而擔心同小朋友合作！遇過有啲好曳嘅小朋友，連親戚嘅仔女都走過嚟打我！有人教我扮惡、畀啲威嚴，等佢哋見到我都怕，之後再慢慢變番善良！」另外，她有份參演的電影《翡翠明珠》將於下月上映，令她相當興奮：「雖然拍攝期間好辛苦，不過有好多好嘢食！」