愛心爆棚的陳偉霆（William），家中飼養多種寵物，雖然傭人抱怨如在動物園打工，但他早前路經一間寵物店時，豪擲數千元購下一條小蜥蜴：「我見佢咁可憐，咪買佢返屋企，我改佢名叫『妹豬』！」剛由美國返港的他，甫進家門即看見「妹豬」的缸空空如也，幾經追問下才知「妹豬」自他離家後開始絕食，最後不幸去世：「『妹豬』雖然係冷血動物，但佢好有性，見唔到我就情緒低落唔食嘢！」問到可會再買蜥蜴？他斷言拒絕，因為他不想要「妹豬」的代替品。
此外，目前積極做掌上壓及曬太陽的他，希望以全新形象會Fans：「之前拍《前度》好少見太陽，依家我想變番陽光男孩，要有44吋胸肌同『巴西黑』膚色！」他又笑言現在連男生亦要晒「事業線」。