司徒法正透露今次衝出亞洲，深入澳洲及馬來西亞等地進行探秘，探討當地土著的巫術，節目暫名為《司徒法正靈異檔案》。節目中不乏感性題材，原來他亦是性情中人，早前到外地賑災時，曾為災民哭個不停！當遇到有需要幫忙的人時，他樂於伸出援手：「試過有人搵我幫佢睇啲嘢，點知後尾聽到佢咁慘，我仲貼埋錢畀佢！」跟他合作了３年的Rachel則說：「我覺得師傅真係好可愛，雖然我哋年齡上有差距，不過我哋之間就絕無代溝！」

轉Look即輸錢

剪了一個「任達華（華哥）髮型」的司徒法正表示，新髮型一直很旺他：「自從髮型師Billy幫我剪咗呢個髮型之後，我就一直好好運，近排有次Billy唔得閒幫我剪頭髮，我就即刻輸錢！」今次為無綫主持52集的新節目，他坦言除了創作空間相當大外，資金亦鬆動了不少：「依家個台背景大啲，自由度都大咗，今次我哋會去唔同嘅地方拍啲突發嘢，內容真實！」