昨日祖兒（Joey）出席麥當勞活動，化身「美女廚神」在快餐店炸薯條及整沙律，有板有眼。活動後她向記者大呻痛苦經歷。前晚她由內地工作返港，屋企突然斷水，令她大感無奈：「洗頭洗到一半竟然冇水，成個頭都係泡，惟有着住件浴袍衝去細佬間房再洗，點知落完護髮素之後又冇水，真係冇晒辦法，索性包住個頭當焗油。」

放大圖片	忙完一輪後，祖兒（中）終於可以抖抖。

促加快立法保障

過去曾有女藝人被偷拍屋內情況，問到着住浴袍通屋走，會否擔心被偷拍？祖兒說：「我屋企長期拉窗簾，因為媽咪好緊張！（着得好性感？）唔會！始終有細佬喺度，入到房就會着得輕鬆啲！（唔怕被偷拍？）好無奈，不過都改變唔到呢個大氣候，惟有自己保護自己！」她寄望演藝人協會幫忙，敦促政府加快立法保障藝人私隱。

對於謝安琪演唱時失準，祖兒說：「歌手上台表演會遇到好多突發事，我都試過去內地做騷個耳機壞咗，現場音樂又遲幾秒，都係靠現場執生！冇乜建議，我平時就曲不離口，因為自己好鍾意唱歌。」