向來是愛吃之人的李曼筠（動漫Maggie），閒時最愛到茶餐廳食雞尾包：「雖然雞尾包好肥膩，不過我由細到大都好鍾意食，因為貪佢夠甜又飽肚！」堪稱「雞尾包專家」的她，極力推介大埔某茶餐廳的煎雞尾包：「雞尾包煎完之後又香口又惹味，如果唔係要減肥，我可以一次過食幾個！」至於另一心水茶餐廳美食，她推介豬扒米粉：「如果畀粉、麵、米粉我揀，我一定揀米粉，因為米粉最唔肥，而且仲易消化，病嘅時候食就最啱喇！」她表示最愛在露天地方開飯，感覺夠Relax又能接近大自然。