青春歌手李蘊養了兩隻貓咪，其中阿扁最得李蘊歡心，她表示阿扁從小就很活潑，雖然已年屆十一歲仍然活力十足，很喜歡逗人玩，更會晚晚和李蘊一起睡：「阿扁當年嚟我屋企嘅時候扁口扁鼻，好搞笑，所以我幫佢改咗個名叫阿扁！」她表示家人一向愛貓，全家人都覺得貓咪比狗仔更容易打理：「我哋一直有養貓，我鍾意貓有性格又高貴，唔似得狗仔咁熱情！加上貓會自己同自己玩，好似阿扁咁一時卷成一舊，一時大字形攤，玩得不亦樂乎，阿扁平時好乖，但一到發情期就變得超高音，雖然我覺得佢啲聲好得意，但有時叫得耐都幾煩！試過嗌到隔籬屋走來問係咪有BB喊緊添，可見佢嘅威力幾咁勁。」