馬浚偉與陳法拉為「羅浮宮婚紗店」拍攝婚紗照，拍攝當日他因吃了一件隔夜蛋治，搞到整天胃痛不止，翌日更要到醫院睇急症！由於赤柱是拍攝婚照勝地，加上兩人恩愛之情幾可亂真，竟有位婆婆以為馬浚偉真的結婚！他見婆婆如此開心也跟着開玩笑：「係呀！我今日影婚紗相。」婆婆不虞有詐，繼而走上前輕撫法拉的臉︰「新娘子好靚呀！」他即對婆婆笑說：「我老婆叫陳法拉。」及後，婆婆才知道兩人只是拍婚紗廣告。拍攝期間，兩人走到水塘附近拍攝，法拉發現水中有蛇，她竟然彎腰看個不停，難怪馬浚偉說：「好彩佢唔係見到曱甴，唔係佢一定攞嚟掟我！我最怕曱甴，有次佢捉咗隻想掟我，嚇到我瞪大眼發惡，佢怕我嬲先冇掟過嚟。」