尹子維與焦媛昨日宣傳9月起假廣州、北京及深圳巡迴演出的舞台劇《金鎖記》，焦媛自言很難抽離角色：「我發夢係七巧，好在我控制到。北京觀眾出名要求高，但有原著張愛玲同編劇王安憶助陣，好有信心！」其男友高志森說：「舞台劇演員好多都有產前躁狂、產後抑鬱，話控制到係呃你！陳潔靈當年做《我和春天有個約會》，我叫佢老公睇實佢。當年佢同杜麗莎絕對冇不和！」
對於被拍得與友人夜蒲蘭桂坊，尹子維說：「有朋友喺外國返嚟，咪同佢落去飲嘢。（聯絡貝安琪？）佢同劉香萍都有嚟睇我。」焦媛笑說：「尹子維蒲完，第二日做兩場演出都咁精神，等我都蒲吓先！」
