自傳出即將拉埋天窗後，緋聞情侶方力申與鄧麗欣（Stephy）昨日首次孖住上出席活動，雖然他們已澄清未有結婚打算，卻不抗拒「夫妻檔」稱呼，問到傳婚訊後，行孖必有否漲價？小方說：「冇乜喎！都係搵食，做嘢啫，其實我都唔清楚酬勞，好少問！」並表示「孖必」工作未有因此增加：「又冇特別多，嚟緊有內地騷都係之前接嘅。」而Stephy則表示歡迎：「唔知對方收幾多酬勞，但如果係又唔介意多啲一齊出嚟！」

Stephy曾於書展舉行簽名會，希望藝人到書展要注意衣着。資料圖片

放大圖片

小方及Stephy都是「微博發燒友」，但堅拒公開傳情，小方說：「有時會自己洩露咗行蹤，所以我喺用字都會小心啲。」他又大讚微博十分方便，能知道其他藝人的工作外，更可拉近朋友間的關係，而Stephy說：「依家唔敢回覆或者轉發佢（小方），怕畀Fans話我哋打情罵俏！微博係一個好好嘅渠道，好似一啲失實嘅報道，我可以第一身去澄清！」

建議o靚模莊重

對於有傳o靚模有可能被逐離書展，小方表示社會講求妥協，相信有共存方法，但他直指o靚模每日充斥報章及雜誌，建議她們可低調一點：「咁買書嘅人先有驚喜嘛！」至於曾於書展為小說舉行簽名會的Stephy則說：「係互相尊重，書展好多小朋友同一家大細，都應該着得莊重啲。」