喜愛旅遊的官恩娜（Ella)，昨日出席旅行社活動，會上除煮龍蝦沙律外，更親手做壽司，氹得台下觀眾十分開心。對於o靚模在書展的宣傳活動被禁的報道，將在書展出書的Ella表示，她的新書是想令更多人認識自己：「書中冇性感相。（實施呢個禁制措施好唔好？）我唔識搞咁大型嘅活動，呢個措施都係留番畀主辦單位去搞嘅！」談及將到日本擔任領隊的Ella，會自費買機票請媽咪齊到日本玩：「呢次會約埋妹妹同佢男朋友，齊到沖繩。（係咪帶埋男友？）今次冇約到佢。」她又自爆前晚睡到半夜，睡床突然塌下來，令她嚇了一跳：「我整咗張睡床成個鐘都整唔好，嗰時又咁夜，就冇諗住打電話畀男友，最後要鋪床瞓地下。」