貿發局勒令書展嚴禁灑鹽花，決定不接受品味低俗及意識不良的簽名活動，變相令一眾o靚模絕迹書展，自稱寫真純過蒸餾水的DaDa深感無辜被牽連，昨日她出席《apm6.25懷念米高積遜逝世一週年紀念》活動時，自爆最近見過某o靚模的寫真照，更以「過分」來形容寫真極其露骨，問到所指是誰？DaDa起初說：「唔知邊個呀！只見到有人放粒冰喺個胸度！」問所指的是否在寫真中含冰、舔波板糖、勁擺誘人甫士的Carol（楊梓瑤）？DaDa大力點頭說：「係呀！我係女人睇到都覺得好肉赤，佢話係睇鹹書學番嚟，咁呢啲係咪鹹書呢？我好尊重大會，對我冇乜影響，我本書冇比堅尼冇內衣，大家會見到乜係健康性感！」

Carol的寫真集玩冰，引誘宅男。	Carol早前特地飛到峇里拍攝寫真，她笑言過程只着三點式，大呻「冇衫着」。	放大圖片

Carol反擊：唔覺DaDa清純

對於貿發局的行動，DaDa大嘆無奈：「我尋日先知，覺得好突然，一心諗住可以見吓支持者，我本書唔會好似某啲人咁着二十幾件內衣，又話公司教擺埋啲鹹書甫士，我覺得應該照顧吓啲小朋友，我會尊重大會決定。」

被DaDa插得體無完膚的Carol，接受電話訪問時隔空開火，並反駁說：「我覺得好無辜，佢都未正式睇過我本寫真，就畀啲咁嘅觀點，唔通佢本寫真冇比堅尼就代表唔係意識不良？我唔覺佢有幾清純囉！據知我本寫真都通過淫審處，佢嘅指摘好有挑釁性！而我仲後生，對擺甫士冇乜經驗，撇除鹹書意識不良，人哋啲甫士真係擺得好靚。」火藥味絕不比下月舉行的寫真戰遜色。