台灣名模瑞莎日前穿舞衣出席化妝品牌活動，盡晒玲瓏身段及修長美腿。藝術體操出身的她，即席表演體操舞蹈打頭陣，因舞衣極為貼身，做出躺臥動作時上圍一度「爆乳」！連同場表演的名模白歆惠亦不禁慨嘆「甘拜下風」。
對於早前被指因古天樂而怒飛「萬寧哥哥」沈志明，瑞莎無奈地說：「冇咁嘅事，都係新聞炒作！」更強調不是古仔那杯茶：「佢係好Cool嘅演員，平時唔多講嘢，但喺拍攝場地，佢對我算係體貼親切，但只係一種禮貌嘅態度，我唔係佢嗰杯茶啦！」近日忙於拍攝電影《單身男女》的瑞莎，被問到有否性感演出時則大賣關子，只稱若劇情需要可考慮。