森美、劉欣宜和李蘊等昨晚出席新片《史力加萬歲萬萬歲》首映，「萬寧妹妹」王允祈全程詐嬌，要「史力加之父」許誠毅畫公仔，才以背脊會傳媒，森美說：「萬寧妹妹請我食檸檬，可能怪我聲演奸角侏儒怪，我配音搵阮小儀做藍本，因為佢成日鬧我！（杜麗莎都鬧你？）佢都幾似侏儒怪，唔係話佢侏儒，係情緒同侏儒怪一樣起伏好大，有機會請佢、陳潔靈同我睇場戲。」
而與老婆田蕊妮出席的杜汶澤說：「有朋友個仔要圍立法會，個朋友叫我請佢個仔睇首映，你話生仔係咪好多嘢煩呢？」岑潔儀則幻想有史力加做男友：「最緊要心地好，外表唔重要，但仲未搵到對象。」
