今年最早推出寫真集《夏の日記》的冬甩，被同以大堆頭作賣點的新八模頻頻狙擊，早前新八模「祝賀」冬甩早登極樂，成員何佩瑜更指冬甩肥膩不健康。最近胡心諾（Rainbow）聯同曾寶玲（Ar Yu）和許麗燕（Irene）冬甩成員，「欣賞」完新八模的寫真《8模美女館寫真集Vol.2》後亦還以顏色，狂數對手「六宗罪」，大彈慳皮兼單調！Rainbow自覺冬甩寫真比新八模更抵睇：「除咗本書平十蚊之外，我哋仲去到宿霧取景，有靚人靚景；反而新八模本寫真就好似『遠赴』澳門取景，影嚟影去都係酒店房，好單調。」

Rainbow又表示不認識新八模的Hidy（余曉彤）：「封面個女仔係Hidy？睇完本寫真先識佢。」Ar Yu亦狂踩：「佢哋身材好普通，我哋就真材實料。加上本書好似求其搵龍友『私影』咁，唔夠專業。」Irene睇完則認為寫真似趕出街：「好似影咗唔夠一個月就出，啲相好普通啫！佢哋好似乜都係贊助，唔似我哋投資咗好多錢。」

Mia多謝支持

對於冬甩的狂踩，新八模成員陳靜儀（Mia）和黃雪瑩（Suki）均表示冇買冇睇對方的寫真，Mia說：「多謝佢哋支持，如果想知我哋係咪粗製濫造，買嚟睇吓就可以印證佢哋啱唔啱。」至於經理人Roy則直認寫真多贊助，似暗示冬甩沒有贊助商支持。

傅穎透露買了三十個胸圍取代比堅尼拍攝。	放大圖片	傅穎找來名攝影師米原康正拍攝寫真，質量有保證。

另外，同在今年推出寫真的傅穎透露，早前特地買三十個胸圍來取代比堅尼，對於冬甩大彈對手新八模的寫真不夠專業及慳皮，傅穎說：「未睇過難評論，但都要睇攝影師夠唔夠專業，我如果唔係米原康正幫我影，都唔敢作大膽嘅嘗試。」