話說小小So有次喺運動治療中心撞到名模姚予晴，於是上前問吓佢個珠寶鑑證課程開課未？點知佢話因為額滿報唔到而好失望，仲話雖然八月同九月開新班，但因為嗰段時間撞正時裝季，有好多騷行，所以依家都唔知點算好！
小小So：你幾時返學呀？
姚予晴：滿咗額！真係估唔到珠寶鑑證咁多人報。八月同九月有新班開，八月用英文授課，而九月就用廣東話授課。
小小So：咁咪好囉！唔使等多年，咁你打算報讀八月定九月嘅課程？
姚予晴：未定呀！因為嚟緊會有好多時裝騷行。加上一個星期要上堂三晚，由六點至九點。
小小So：咁你咪盡量安排啲工作喺朝早囉！
姚予晴：好難喎！呢個Course每三個月為一個學期，期間如果我走咗一堂，學校都有權踢我出校，但要我停工一段時間去讀書，我又唔想！
小小So：咁又真係好頭痕！
姚予晴：所以我依家都決定唔到，但我真係好想讀個Course，如果再拖嘅話，我驚到時會冇咗件事！