人氣急升的「天氣女郎」黃婉曼昨日出席美容活動，上圍豐滿的她包到冚到場，她笑說：「我唔露胸，惟有行兩邊。」說罷即指指兩邊肩膊上的立體花飾。她自稱衣着保守：「我好少着背心，唔會着吊帶，粗帶都可以。我又唔游水，唔會着泳衣。如果我肯露係咪可以賺多啲？但我唔會考慮，寧願賺少啲。」
另外，黃婉曼在無綫的世界盃節目中，經常被拿來開玩笑，她說：「幾好，可以輕鬆啲。（壓力好大﹖）好緊張，因為前輩級坐喺隔籬，佢哋功力又深，怕接唔到招。」而她在網誌中亦大讚阮兆祥愛講笑，她認為看似無聊的笑話，可為平淡生活帶來莫名的開心。
