劉家豪的新劇《點解阿Sir係Sir》昨日舉行開廠拜神儀式，楊怡、陳豪、鍾嘉欣和吳卓羲等出席，因劉監製的另一劇集《談情說案》收視理想，平均32點、最高36點，故全體演員開香檳慶祝。
至於楊怡對收視大感滿意，被記者取笑是福將的她說：「唔好咁講，唔係我一個人嘅事。（林峯劇中飾演你男友，佢拖你手搞到『動L』？）唔關我事，都唔關佢事，係關條褲事，佢冇動L，呢啲係男性尊嚴，如果有，我都移開咗視線啦！佢冇失策！」
而陳豪被問到緋聞女友廖碧兒演出的《葉問前傳》快將上映，他笑言會獲邀睇首映，至於有否做女友的沙包？陳豪說：「我都識詠春o架！但係三腳貓功夫，佢勁啲。」
