型男古天樂不僅演技精湛，原來亦甚有設計天分。古仔獲瑞士品牌Bally邀請，出席米蘭時間21日舉行的春夏2011男裝發布會，並在前一晚參加私人晚宴。
身穿品牌春夏新裝的古仔透露，晚宴上品牌安排賓客在畫紙畫上喜歡的鞋樣，他畫的其中一款鞋更獲設計師賞識：「我本來想畫女裝鞋，但畫咗兩對都唔滿意，所以改畫自己鍾意嘅男裝鞋，設計師見到都好鍾意，仲話可以考慮出款特別版畀內地巿場，真係好開心同榮幸！多謝佢睇得起我，我都想學做鞋。」
而古仔參觀展覽會時，睇中一個逾六位數字的鱷魚皮手袋，但因是2011年的產品，要明年才有貨，他笑說：「我等唔切，想依家即時擁有個袋。」
此外，獨自赴會的古仔表示原本計劃與父母同行，奈何只在當地逗留三天，因時間太趕而取消此念頭，要等到明年六月才可與家人旅遊，但他不忘買手信給父母：「媽咪喺香港睇中咗個手袋，但冇貨，我過嚟幫佢買；至於爹哋就鍾意食無花果，我知呢度盛產，我會買嚟孝敬佢。」