無綫雖失落世界盃球賽播放權，但仍積極地以逾百萬元購入模擬球賽片段，Copy現場入球過程變為卡通來娛樂球迷。而宣傳方面，無綫亦炮製了一段世界盃宣傳廣告，但今次被指「抄」的目標，則是韓國人氣組合少女時代的兩首MV包括《Genie》和《Oh！》的混合版。

沈卓盈死撐冇抄

宣傳片中，先後見高海寧、沈卓盈、王淑玲和劉俐等穿上波衫跳熱舞，舞步不太整齊，但無綫所賣的是「世界妹」效應。但擁護少女時代的Fans卻反應激烈，群起插爆「世界妹」抄他們的偶像，而宣傳片的舞步，是將《Genie》和《Oh！》兩首MV融合一起，造型更抄足少女時代，高海寧等人同樣穿上波衫、短褲和長襪騷美腿。其中網友tanghong823說：「世界妹」跳得唔齊，又樣X，難頂！」網友Naaa指：「班女好樣衰……又老土……」而網友依彤則較中立，指「世界妹」舞步曾在《Genie》出現：「佢哋又唔係歌手出碟……大家冷靜啲啦……」

而身在南非的高海寧雖未能第一時間回應，但有份參演這條宣傳片的沈卓盈和王淑玲覺得冇問題，並稱不知道有抄襲成分！王淑玲不介意被批評，還覺得有人講即是有Noise。沈卓盈則死撐舞步是排舞師所教：「我哋冇照Sample跳o架！拍時連排舞都用咗四、五個鐘，一樣嘅舞，唔同人跳有唔同味道！（你拍嗰套《談情說案》又被指抄日劇？）我聽朋友講番條宣傳片反應幾好，唔好話抄就抹煞咗我哋嘅努力。」

播世盃接45宗投訴

此外，有關世界盃的投訴，由本月11日起至昨日，已累積至45宗，大部分觀眾不滿免費台冇得睇世界盃、無綫播動畫非真人入球片段，以及《世界盃動起來》的主持用語不雅，口邊常掛着「大波、細波」。但《世》前晚尾段亦對已故的前香港足球名將黎新祥致敬，主持鍾志光稱黎Sir對足球界貢獻良多，希望其家人節哀順變。