昨日《2010香港小姐競選》15位候選佳麗，進行最後一天的印度外景之旅，佳麗轉到孤兒院探訪，期間(15)張秀文因蹲下時不慎露股罅，而(5)莊思明則露底，搶盡其他佳麗風頭。被傳是內定冠軍、並因壓力而痛哭的「密實湯唯」(11)李文煊，承認曾落淚：「第一日拍攝NG咗四、五次，我怕累街坊，喊咗出嚟！（有冇佳麗問你內定冠軍啲嘢？）有幾個佳麗講笑咁問過。（你排擠(12)湯寶珍？）我嗰組佳麗好Friend，冇小圈子，我覺得(12)好得意。」
(12)湯寶珍對於被指植假眼睫毛、戴大眼仔及墊Pad搶鏡，她說：「我有植假眼睫毛，呢個係大會容許嘅，但冇戴大眼仔。（佳麗排擠你？）我唔覺，我哋相處得好好。」(13)陳庭欣對(11)李文煊被指乃內定冠軍，她說：「我冇問(11)係咪內定冠軍，我怕影響心情同拍攝，抽籤係隨機抽，大會冇優待，個個都瞓咁少。」
至於嘉賓曾志偉則說：「我有心水佳麗，但唔會講，費事造成壓力，有佳麗唔夠信心，連擺甫士都驚（指(7)何樂翩），我嚟印度係同佳麗做心理輔導。（點睇內定冠軍？）冇內定，評判都未有，點內定？」
此外，繼(4)文凱玲及(6)林碧珍被踢爆愛夜蒲後，再有讀者爆料指來自溫哥華的海外佳麗(10)馬鈞怡亦是「蒲精」，不但經常與猛男攬頭攬頸，更情不自禁與不同男士玩親嘴錫面，態度親暱。