22/06/2010

播放本新聞相關短片

Mia撐郭秀雲出錢出力栽培

有傳錢景峰跟新八模成員Mia分手全因錢母郭秀雲棒打鴛鴦，昨日郭秀雲出席活動時解釋：「感情係私人事，點解要攞出嚟講！我冇睇近日嘅負面報道，反而仔仔打畀我話擔心我，希望大家手下留情！（錢小豪話你亂噏﹖）我唔覺得佢係惡，亂噏係口語化，佢向來都係咁講嘢，佢都唔知我同錢老太通過電話！」對於被指拆散鴛鴦，她大感莫名其妙，並自爆曾與Mia食飯，又替她安排工作及老師：「如果我唔鍾意佢，就唔會花時間做咁多嘢，而且係個女仔提出分手先！」
郭秀雲澄清絕非「惡奶奶」，更替Mia安排工作及找唱歌老師。
  • 郭秀雲澄清絕非「惡奶奶」，更替Mia安排工作及找唱歌老師。