李文煊（Elle）盛傳是內定港姐冠軍，身為提名人的張天愛昨日接受電話訪問時堅稱不信，更強調李父跟無綫冇關係：「Elle係打過電話畀我哭訴，話壓力好大又好委屈，不過佢知做事要有始有終，從來冇諗過放棄，就算選完都要考慮入唔入娛樂圈！（Elle獲無綫優待？）佢都有打畀我，問我點解件衫會咁唔同？咁抽籤只係佢好彩，佢樣樣都咁好，身材又好、樣又好，又有學歷又有家底，集好嘢於一身！」
至於名模莊思敏則不擔心妹妹思明「陪跑」，暫時未聽到妹妹想退選：「比賽有好多觀眾睇住，造馬唔容易，好難夾硬畀個冠軍佢！（對個妹有信心？）有，三甲都有機會！退選每年都傳，不可盡信！我同個妹傾偈都唔覺佢唔開心。」而在印度拍外景的莊思明，由落機至今都發燒，據知她起行前在化妝間痛哭：「我冇食藥，要等自己好番！每晚都打畀阿媽，因為出發前隻狗死咗，我好擔心！」
