本文重點
創作歌手羽翹雖然身形Keep得好，但原來也是為食之人，她喜愛紐約獨特的飲食文化，早前到尖沙咀的美式食品餐廳大吃一頓，甫坐下即點了三款美食「雜錦芝士薄餅」、「熏和牛肉三文治」及「香辣雞翼」，款款都是「加大碼」，她直言能「食得晒」，等到美食上枱後即開始密密食！
羽翹拿起巨型Pizza邊食邊說︰「好鍾意食澱粉質食物， Pizza好啱我，雖然平時要減肥，但會約埋朋友去食Pizza傾偈。」她表示巨型Pizza在香港很少見︰「呢個係薄批，脆脆哋先至好食，而香辣雞翼亦啱我胃口，因為都鍾意食辣嘢。」
說罷她拿起提子汁解渴，然後準備征服巨型「熏和牛肉三文治」，她說︰「其實呢個係漢堡包，好圓好有心思，又好多材料，又有肉同菜，營養均衡。」由於漢堡包實在太巨型，羽翹不知從可入口，只好先拆件再慢慢放入口品嘗。
後記：漢堡包當飯食
做藝人工作忙碌，食無定時，羽翹亦不例外，她表示平日工作會買漢堡包在車上吃，以節省時間︰「一星期起碼食幾次，食得多都怕肥，不過有時揀清淡嘅快餐都OK。」