自嘲奄尖的張可頤最近首次擔任護膚品代言人，為護膚品牌ROC擔任代言人一年，她笑言後生時已鍾情這品牌，曾特意叫任職空姐的妹妹帶貨返港：「哈！你都知我份人奄尖，對自己要求好高，以前忙拍戲咩都唔理，有事業運時其他運都低，但依家我放鬆，想有自己生活，好多以前冇諗過或者冇做嘅嘢，依家開始做，會覺得點解唔早啲做。」

張可頤享受休閒生活，更享受家庭生活！

張可頤抽時間學畫畫、攝影及寫劇本，充實生活。

原來張可頤的妹妹生BB後，成為姨媽的她比妹妹更忙，更驚覺原來很有母愛，她說：「以前覺得照顧小朋友好麻煩，依家見到姨甥仔，先反問自己點解唔早啲生？一個小生命嘅來臨，令我同家人嘅關係更緊密更開心，仲同媽咪傾番自己細個係點樣。以前事業行先，依家真係覺得同家人生活開心相處先重要！」

張可頤坦言希望與金融界男友開花結果。資料圖片	早前張可頤與張學友演出《月滿軒尼詩》，在大銀幕上再騷演技！資料圖片	張可頤依然享受演戲的樂趣，與黃秋生及Janice Man合作拍戲！資料圖片

感情低調不瞞婚

一直低調少談金融界男友曾安邦的張可頤，被問到是否「好事近」時，她即一臉甜笑：「每一次拍拖都會諗結婚呢樣嘢，我相信緣分同時機，尤其我依家真係學懂珍惜所有人同事，男朋友當然更加係我珍惜嘅嘢之一，我希望承你貴言，早啲結婚！我唔會瞞婚，但會低調，我都係一個平凡人，好想喺教堂行禮、同至愛親朋一齊分享我重要嘅時刻。」