候選佳麗昨日參觀地氈及傳統服飾工廠，期間張莉莎否認曾與港姐嘉賓羅仲謙雙雙失蹤一粒鐘，她說：「同佢冇乜傾過偈，同車都好少傾，唔知發生乜事？唔知點解咁寫？唔知點畀反應？Ｏ嘴呀！冇可能失蹤，我同房(10)馬鈞怡可以做證。（覺得謙仔點？）正常男仔樣，好適合呢行，但我要講Feel。」謙仔則說：「同(2)唔係特別好傾。（照樣撻着？）冇咁嘅事，我都想知點解話我失蹤，咁講即係話我失職，監製同馬國明可以證明我冇。（拍完至失蹤？）唔會，行程好忙，瞓覺時間都唔夠。（覺得(2)點？）幾健談、幾活躍，但唔係我鍾意嘅類型，冇可能發展。（傳佢整容？）我冇留意啲新聞，冇問佢。」

「密實湯唯」李文煊（中）穿上印度服飾，散發另類美態。

JuJu雖然未能入圍選港姐，但已作多方面發展闖娛圈。

至於「密實湯唯」(11)李文煊面上生粒粒，她解釋因睡眠不足，而(6)林碧珍則否認曾有男人求婚。

JuJu冇留意佳麗新聞

此外，未能入圍的「菲版謝婷婷」陳鈺芸（JuJu）換上三點式出海拍MV。她表示忙宣傳新書及下月中出EP，故沒有留意應屆港姐的新聞。而(4)文凱玲被傳是蒲友一名，幾杯到肚即與男男女女打成一片，攬腰擁抱，表現豪邁！