為慶祝父親大病過後的第一個父親節，何鴻燊三太陳婉珍女兒何超蓮，昨日與剛從澳洲返港的男友Jeremy到銅鑼灣買禮物。約下午5時半，身穿背心、超短牛仔褲，孭着白色Chanel小手袋的超蓮，與男友先往名店LV購物，其後手拖手到附近商場行街，隨後二人前往附近戲院，但又揀不到心水電影。

Jeremy與超蓮欲拍拖睇戲，可惜揀不到心水電影而白行一趟。

何超儀親自設計蛋糕，送給父親作為禮物。資料圖片

雖然天氣炎熱，但超蓮心情不錯，沿途與男友有說有笑，十分甜蜜。問到父親節會怎樣度過時，她說：「會同Daddy食飯慶祝。（送咩禮物？）因為Daddy貪靚，喺LV買咗條豹紋絲巾，而自己都會整啲小禮物送畀Daddy。」但他們均表示沒有買禮物給對方父親。然後，二人步往另一間戲院，不過仍是揀不到合適時段，白行一趟。向來愛飲珍珠奶茶的超蓮，其後與男友到街頭的專賣店，跟市民排隊買飲品，而Jeremy識做地拿出銀包付款。雖然有不少途人認出，但超蓮一於少理，繼續與男友十指緊扣行街。

超儀親自設計蛋糕

另外，問到如何跟父親慶祝，何超儀說：「每年父親節，我都會設計一個蛋糕，然後叫餅店幫我焗製送畀Daddy。」