繼Mia與男友錢景峰分手後，新八模成員余曉彤（Hidy）與消防員男友的戀情亦隨時玩完！據悉，早前Hidy在泰國的攬仔照被公開後，男友半信半疑，加上Hidy要在八模之中搶灘上位，以半裸出擊大晒香艷滑背，令他更為不滿，於是找了一位有夫之婦傾訴，其後被Hidy在SMS中察覺他們有曖昧情況！
對於戀情出現第三者，Hidy直認感情出現問題，她說：「最近係同男友多咗嗌交，可能我最近真係好忙，陪少咗佢，而且寫真又就快出。（有第三者出現？）男友話佢哋冇嘢，我唔明點解有啲女仔已經有老公都仲要乘虛而入，經常搵我男朋友，咁做好卑鄙，我哋已經有四年感情，其實真係好唔捨得放棄！依家惟有寄情工作。」
