昨日Mandy Lieu出席北海道牧場餐廳的中環店開幕，既騷長腿又晒「事業線」！提到o靚模的「事業線」比她強勁時，她信心十足地表示無懼比較：「我鍾意着靚衫嘛！（冇男友可以着得性感啲？）我一向無王管！（同前男友陳柏霖聯絡？）好少，間中啦！（翻撻？）翻撻就話你哋知，但依家就未撻住！」她自言喜歡飲牛奶，亦曾浸牛奶浴，問到有指飲牛奶多會增加患乳癌機會？她說：「唔怕！我會Keep住日日飲，因皮膚靚！」
此外，嘉賓趙嘉懿產後首度曝光，大騷囝囝相集，她說：「囝囝好得意又好動，似爹哋鍾意跳舞。（做星媽？）冇所謂，最好拍牛奶廣告，可以慳錢！」她坦承想追多個女，會行番騷賺錢。
