周秀娜昨晚聯同師妹Hailey C.及Annie G.出席夜場活動，示範捽碟，吸引近百人圍觀！身穿珠片Bra Top以SM Feel示人的周秀娜，將穿Bra Top的Hailey C.及穿吊帶背心的Annie G.比下去。周秀娜坦言心口解凍最適合自己：「我呢個係Model DJ Look，呢輪晚晚拍戲，着啲戲服熱到我癲，今晚終於有得解凍！（今晚玩SM Feel？）唔係！我覺得幾型！（心口解凍有乜感覺？）感覺幾涼，呢個Look適合自己形象亦都適合呢個場合。（使唔使男友批准？）唔使！平時出街我唔會咁着，係捽碟至着型啲，我學咗捽碟半年。（你依家捽嘢好叻？）捽碟啫！之前有落嚟學捽碟。（知唔知師妹Mia同錢小豪兒子錢景峰分手？）同小豪哥拍戲時佢都冇講，唔使安慰Mia，人哋感情事我唔理，我搞掂自己先。」

周秀娜特別以SM Feel造型到夜場示範捽碟。	Annie G.一個俯身，「峰」情萬種！	周秀娜坐跑車到場，落車時小心翼翼。

遭師妹夾擊

此外，Hailey C.與Annie G.異口同聲說：「我哋第一次喺香港捽碟，之前試過喺澳門捽，講到捽碟，我哋叻過周秀娜。（但你哋衣着輸晒呢？）我哋本寫真集好激o架！我哋要吸納多啲唔同類型嘅Fans，唔可以淨係露『事業線』，要畀新鮮感大家！」