近日網上流傳多張應屆港姐F林碧珍與3名男子的親熱合照，其中一張她被一名年輕人錫面；另一張則與一名貌似顏福偉的男士面貼面，而她笑得十分開懷；再有一張是與男子連體合照，看來她大受男士歡迎！

另外，自稱就讀英國倫敦帝國學院的K「密實湯唯」李文煊學歷受質疑，有讀者爆料指她未有完成學業，並傳她對同學態度欠佳，但其提名人張天愛為她抱不平：「佢點會報假學歷呀？報名時畀咗無綫睇啦！佢畢業時全家飛晒去英國，仲同校長握手，又點會係假？係有人有心害佢！（話佢性格開放？）佢好斯文，性格好乖，係啲人唔抵得佢，中傷佢啫！」

何樂翩印度爆瘡

另外，十五位佳麗昨日穿上印度服飾，與羅仲謙及馬國明在印度門拍外景，再到香水店調製香水。未知是否炎熱關係，佳麗相繼出現小毛病，D文凱玲水土不服肚痛，而G何樂翩的皮膚現紅印及起粒粒，問到是否太辛苦，她說：「唔係，我喺悉尼讀書返港參選，係香港空氣差至皮膚敏感。」

不過亦有佳麗例外，林碧珍皮膚滑溜，未見變差，她坦言每晚只睡2、3小時，幸好未有「爆瘡」，但由於今天要拍泳裝，她打算昨晚不吃飯，希望以最佳狀態示人。

文：影視組　攝：鄭家俊印度傳真