古巨基、惠英紅、黎耀祥、鍾景輝及何國鉦昨日成為首屆「太子珠寶鐘錶精英獎」得主，昨日與楊秀惠及呂慧儀等出席賽馬日活動，以泰山裝上陣的呂慧儀笑言是讓秀惠「半球」，露出「事業線」的秀惠即自嘲：「我冇得讓，再讓半球就冇喇！」後來其Tube-dress愈跣愈低，疑似露暈！拍照後她即衝入洗手間，然後才再接受訪問，不過依然「疑暈陣陣」！

問到是否走光？秀惠望着胸口死撐「冇呀」，不過身旁的經理人不禁說有，即拉她入洗手間整理！不過，秀惠仍堅持沒有「失暈」，強調做足三重保險：「我貼咗乳貼、雙面膠紙同戴咗Nude Bra喎！之前衝入洗手間係人有三急啫！」雖然她不時性感示人，走光「疑暈」卻是第一次！

模特兒示範珠寶，閃閃生輝！

呂慧儀同樣悉心打扮，可惜仍敗給楊秀惠。

基仔否認助手懷孕

另一邊廂，基仔的緋聞女友Lorraine被傳懷孕後，昨日首度露面，身形未見異樣，不過甫見傳媒則做「快閃黨」！基仔代為解釋：「佢冇大肚！（叫佢出嚟澄清？）我咪澄清咗囉！呢啲創作新聞，幾個月後就睇到有定冇，我切切實實未驚過！（你哋到適婚年齡？）仲細！（人哋唔細呢？）咁強壯，咩唔等得！（結婚先生BB？）冇諗！」