鍾欣桐（阿嬌）及方力申（小方）主演的英皇電影《出水芙蓉》，將以觀摩電影身份出戰韓國富川奇幻電影節，阿嬌繼《前度》成為香港國際電影節閉幕電影後，再獲電影節青睞，令她十分振奮：「我仲以為韓國富川電影節只對恐怖、驚慄題材有興趣！獲邀參展對我哋係一份肯定，時間許可嘅話，我會親身出席電影節！（演技獲肯定？）我記得劉鎮偉導演講過：『演技要時間磨練。』我希望今年喺電影上畀觀眾一個好印象，出年再作更大突破，好期望可以再同劉導演合作！」至於小方亦期待參展：「好希望將《出水芙蓉》介紹畀韓國觀眾，因為會睇到一個從未見過嘅小方同阿嬌！」
