張繼聰、小肥及王若琪等昨晚出席《恩您慈心慈善音樂會》，適逢昨日是阿聰囝囝張瞻的三歲生日，他與太太謝安琪（Kay）特意為囝囝舉行生日會，提到張栢芝與兒子謝振軒（Lucas）攜手殺入娛樂圈，阿聰大讚Lucas夠得意，至於會否讓張瞻入行？他說：「等佢大個先，我怕佢拍戲辛苦畀人打，忍唔住衝去打番人。」還透露完成工作後會趕到紅館撐農夫：「Kay同方大同都買咗20張飛支持，本來有叫我、王菀之、張敬軒做嘉賓，可惜夾唔到時間。」但他到場後卻慘被農夫狂寸，農夫為表歉意，即場為壽星仔張瞻唱生日歌。
此外，剛於本月13日生日的小肥透露與家人在澳門慶祝：「大姐夫同我同一日生日，爸爸就11號，所以連端午節一齊慶祝。（願望搵女友？）女朋友唔係搵，係遇，但都希望有嘅。」