本文重點
剛宣布與郭秀雲兒子錢景峰分手的Mia，昨晚突然現身醫院，惹來為情自殺傳聞！昨晚約十時十五分，身穿運動衫、踢拖、戴帽的Mia，突然獨自現身浸會醫院，她先到登記處量血壓及體溫，然後往繳費處辦理入院手續。問到為何入院？她說：「因為上個月腸胃炎，可能之前去廣州食咗唔乾淨嘅嘢，之後又去咗美國，冇理到，個胃時不時作痛，依家先有時間入院Check吓。」她表示因早已掛號，故錢景峰亦知她會入院，至於家人則因工作未有陪同。
被批分手唔開心
被問到與錢景峰分手一事，她說：「係早兩日嘅事。（點解會分手？）一直覺得佢係好好、好識諗、對我好同心地好嘅男仔，主要原因係大家要行嘅路唔同，佢有佢嘅壓力，我本身又有壓力，又有小朋友，大家好清楚將來嘅路唔同，所以協議分手。」對於郭秀雲曾表示不相信她是兒子最後一個女友，她直言因此不開心：「係唔開心，但當時熱戀緊，唔理啲人點講，依家終於明白點解啲人就算拍拖都唔公開，因為公開咗好大壓力。」
對於Mia突然傳出自殺消息，其經理人Roy即時否認：「佢生咗兩個小朋友，經歷咁多又咁辛苦都冇話過要死，點會為咗一個男友而要生要死？佢之前成日腸胃炎，醫生叫佢入院Check清楚啫！」另外，師姐Hailey C.昨日在微博留言鼓勵Mia：「有緣的應該好好珍惜！」但Mia隨即回應：「不過往往很多時會因為很多因素，未必盡如人意……」似乎失戀心情尚未平復。
至凌晨時分，Mia亦在微博留言否認自殺︰「我走的路不是孤單的，因為我有我的家人永遠疼愛我。」她表示現在只想身體健康，現正在醫院檢查。