曾志偉、江欣燕及阮兆祥昨日為名牌手袋店開幕擔任嘉賓，欣欣要穿上六吋高踭鞋爬梯進行開幕儀式，當她揭開櫥窗赫見四名半裸、僅以袋遮着下半身的猛男時，即非常興奮，「大Ex」上身的祥仔更抵死地笑說：「袋入面着住內褲，我接受唔到囉！」說到酬勞，志偉說：「講友情，原來手袋對女仔好重要，正如男士恨揸跑車一樣，以前希望有靚車、靚錶同靚屋，原來冇乜大不了。（今次難得咁早到？）自己嘢遲到冇所謂，幫人就唔好。」說到無綫世界盃節目被狠批，他說：「巿場競爭可悲，TVB好似中魔咒咁，乜都畀人投訴，不過我覺得個節目應該做囉！今晚（即昨晚）我都上去。」而祥仔更笑言要買手袋送給女友：「我諗住掃一行，睇吓有冇機會攞折扣。」