工作方面，栢芝自言從未退出電影圈，但不會如以往般拚命工作，對於爾冬陞開出優厚條件邀拍戲，她說：「有啲感動到想喊！我諗我接嘅機會相當高！」她還透露細仔Quintus已改了中文名，留待爸爸霆鋒公布，據知名字亦有個「振」字。另外，栢芝接受有線電視電話訪問，提到前晚返港造成混亂時兩度落淚。她更坦言囝囝1歲時，曾有人出千萬元酬勞邀他拍廣告。

為寶貝仔推廣告

另一邊廂，同為人母的陳慧琳（Kelly），昨日擔任《香港航空有限公司A330啟航慶祝會》嘉賓，獲贈「一世任飛」機票，她希望大會能贊助老公劉建浩及囝囝劉昇（蝦餃仔）：「早前同囝囝搭飛機去民丹島旅行，佢簡直係清潔工人，不停伸手落啲罅隙，又用脷周圍舔！」問到有否留意Lucas大鬧記者會的片段？她說：「好得意！（過度活躍？）小朋友係咁，咁先正常！」她表示囝囝的表演欲一般：「之前有啲嬰兒用品公司想搵佢拍廣告，不過推咗。（出鏡？）要同老公商量，不過佢偏向唔想！」而她已做好準備迎接新生命，希望追個女。